Toshkentda qanday jinoyat fosh etildi?
Davlat xavfsizlik xizmati matbuot xizmatining ma’lum qilishicha, Toshkent shahrida prokuratura organi xodimining noqonuniy harakatlariga chek qo‘yildi. SGB tomonidan o‘tkazilgan maxsus tezkor tadbir davomida Uchtepa tumani prokurori yordamchisi qo‘lga olingan.
Qayd etilishicha, mazkur shaxs 2025 yil sentyabr oyiga qadar Shayxontohur tumani prokurori yordamchisi lavozimida ham faoliyat yuritgan.
U qanday sharoitda ushlangan?
Tezkor tadbir jarayonida u tadbirkordan 15 ming AQSh dollarini olayotgan vaqtida qo‘lga olingan. U ushbu mablag‘ evaziga Shayxontohur tumani hududida joylashgan ikkita noturar podval binosini ijaraga olish masalasida yordam berishni va’da qilgan.
Pulni olganidan so‘ng, gumonlanuvchi o‘zining “BYD” rusumli avtomobilida SGB xodimlaridan qochishga uringan, biroq tezkor harakatlar natijasida ushlangan.
Unga nisbatan qanday choralar ko‘rilmoqda?
Mazkur holat yuzasidan O‘zbekiston Respublikasi Jinoyat kodeksining 3-qism “Firibgarlik” moddasi bilan jinoyat ishi qo‘zg‘atilgan.
Agar aybi isbotlansa, unga sakkiz yilgacha ozodlikdan mahrum qilish jazosi tayinlanishi mumkin.