Amerikalik iqtisodchilar butun dunyo bo‘yicha o‘ta qashshoqlikni tugatish uchun qancha moliyaviy resurs zarurligini aniqladi. Ularning hisob-kitoblariga ko‘ra, bu maqsad uchun yiliga taxminan 318 milliard dollar talab etiladi. Bu ko‘rsatkich jahon yalpi ichki mahsulotining atigi 0,3 foiziga teng.
Tadqiqot Kaliforniyadagi Berkli universiteti olimlari tomonidan olib borilgan bo‘lib, daromadi past bo‘lgan 23 ta mamlakatdagi qashshoqlik ko‘rsatkichlari tahliliga asoslangan.
Hisob-kitoblarda sun’iy intellekt texnologiyalaridan foydalanilgan. Ushbu yondashuv yuz millionlab odamlarning ehtiyojlarini aniq baholash va ularning kunlik daromadini xalqaro o‘ta qashshoqlik chegarasi — 2,15 dollardan yuqori darajaga ko‘tarish uchun zarur bo‘lgan maqsadli moliyaviy yordam hajmini aniqlash imkonini bergan.
Tadqiqot mualliflari qashshoqlikni bartaraf etishda siyosiy va institutsional to‘siqlar mavjudligini ham qayd etgan. Ularning fikricha, ko‘plab past daromadli davlatlar tashqi yordam bo‘lmasa, bu vazifani mustaqil ravishda uddalay olmaydi.
Ma’lumotlarga ko‘ra, dunyo bo‘yicha alkogol mahsulotlariga qilinadigan yillik xarajatlar jahon YAIMning taxminan 2,2 foizini, kosmetika mahsulotlariga esa 0,6 foizini tashkil etadi. Bu esa o‘ta qashshoqlikni yo‘q qilish uchun zarur bo‘lgan mablag‘dan bir necha barobar ko‘p