Netflix Amir Temur haqidagi qanday filmni taqdim etdi?
Dunyoning eng yirik striming platformalaridan biri Netflix buyuk sarkarda Amir Temur hayotiga bag‘ishlangan yangi tarixiy film tizerini namoyish etdi. Film “Tamerlane: Rise of the Last Conqueror” (“Tamerlan: So‘nggi zabt etuvchining yuksalishi”) nomini oldi.
Film qayerlarda suratga olingan va u nimani hikoya qiladi?
Film suratga olish ishlari AQSH, O‘zbekiston va Qozog‘iston hududlarida olib borilgan. Asarda buyuk hukmdor Amir Temurning hayoti, uning shakllanish jarayoni hamda tarixdagi eng qudratli sarkardalardan biriga aylanish yo‘li tasvirlanadi.
Filmda asosiy rollarni kimlar ijro etgan?
Amir Temur rolini daniyalik aktyor Kristian Mortensen ijro etgan. Amir Husayn obrazini aktyor Mahesh Jadu gavdalantirgan. Temurning rafiqasi rolini esa o‘zbek aktrisasi Yulduz Rajabova ijro etgan.
Film ustida kimlar ishlagan va premyera qachon bo‘ladi?
Film rejissyori Jeykob Shvarts bo‘lib, ssenariy muallifi Metyu Grindir hisoblanadi. “Tamerlane: Rise of the Last Conqueror” filmining jahon premyerasi 2-aprel kuni bo‘lib o‘tishi rejalashtirilgan.