Soliq qonunchiligi
O‘zbekiston Respublikasida agrar sohada soliq islohoti
O‘zbekiston Respublikasi Prezidentining 2025-yil 4-sentabrdagi 153-sonli Farmoniga muvofiq, qishloq xo‘jaligi sohasi uchun qo‘shilgan qiymat solig‘ini (QQS) hisoblashning soddalashtirilgan mexanizmi joriy etildi. Ushbu o‘zgarishlar ishlab chiqaruvchilarni qo‘llab-quvvatlash va agrar sektorni rag‘batlantirishga qaratilgan.
2026-yil 1-yanvardan boshlab asosiy o‘zgarishlar:
- O‘z ishlab chiqarilgan qishloq xo‘jaligi mahsulotlarini realizatsiya qilishda QQSning 0% stavkasi qo‘llaniladi.
- Istisno: Mazkur tartib paxta va don mahsulotlariga tatbiq etilmaydi.
Mahsulotlar reyestri va qamrovning kengayishi
0% stavka qo‘llaniladigan mahsulotlar ro‘yxati Qishloq xo‘jaligi vazirligi va Soliq qo‘mitasi tomonidan tasdiqlanadi. 2025-yil 24-dekabr holatiga ko‘ra, ro‘yxat yana 27 ta bandga kengaytirilib, 504 turdagi mahsulotni o‘z ichiga oladi.
Muhim: Ro‘yxat doimiy ravishda yangilanib boriladi. Uni o‘zgartirish bo‘yicha takliflar Qoraqalpog‘iston Respublikasi Jo‘qorg‘i Kengesi, viloyat hokimliklari hamda bevosita ishlab chiqaruvchilar tomonidan kiritilishi mumkin.
QQSni qaytarish mexanizmi va muddatlar
Hisobga olish huquqi saqlanadi
Reyestrga kiritilgan mahsulotlarni yetishtirish uchun sotib olingan tovarlar va xizmatlar bo‘yicha to‘langan QQSni hisobga olish (zachyot) tartibi to‘liq saqlanib qoladi.
Tezkor avtomatik qaytarish
Qishloq xo‘jaligi ishlab chiqaruvchilariga QQS summasi 3 ish kuni ichida avtomatik tarzda qaytariladi (paxta va don mahsulotlaridan tashqari).