Starlink kompaniyasi Venesuela aholisi uchun bir oy muddatga bepul keng polosali internet xizmatini ishga tushirganini ma’lum qildi. Ushbu xabar kompaniyaning X ijtimoiy tarmog‘idagi rasmiy sahifasida e’lon qilindi.
Tashabbus doirasida foydalanuvchilar 3-fevralga qadar internet xizmatlaridan mutlaqo bepul foydalanish imkoniyatiga ega bo‘ladi. Loyiha mamlakat bo‘ylab barqaror va yuqori tezlikdagi internetga kirishni kengaytirishga qaratilgan.
Starlink’ning ta’kidlashicha, bepul foydalanish davri Venesuela aholisi uchun uzluksiz aloqa, raqamli xizmatlar, ta’lim va axborot manbalaridan foydalanish imkoniyatlarini yaxshilashga xizmat qiladi.