1-fevraldan boshlab O‘zbekistonda milliy pasport (ID-karta)ni birinchi marta rasmiylashtirayotgan fuqarolarga elektron raqamli imzo (ERI) sertifikati bepul taqdim etiladi.
Shuningdek, fuqarolar “Elektron hukumat” tizimi foydalanuvchilarini identifikatsiyalash yagona axborot tizimida avtomatik tarzda va bepul ro‘yxatdan o‘tkaziladi. Bu esa davlatning raqamli xizmatlaridan foydalanishni yanada qulaylashtiradi.
Mazkur chora-tadbirlar Ichki ishlar vazirligi, Raqamli texnologiyalar vazirligi, Soliq qo‘mitasi hamda Bandlik va kambag‘allikni qisqartirish vazirligi tomonidan ishlab chiqilgan.
Ushbu tashabbuslar O‘zbekiston Respublikasi Prezidenti Shavkat Mirziyoyevning 19-yanvardagi qarori bilan tasdiqlandi.
Qarorning asosiy maqsadi ichki ishlar organlarining migratsiya va shaxsni identifikatsiyalash yo‘nalishidagi faoliyati samaradorligini oshirish, shuningdek, tegishli davlat xizmatlarini yanada raqamlashtirishdan iborat.